Hindistonning yetakchi blogerlari O‘zbekistonning turizm targ‘ibotini amalga oshirmoqda
2025-06-24 15:35:00 / Yangiliklar
Turizm qo‘mitasi tomonidan O‘zbekiston va Hindiston turoperatorlari o‘rtasida hamkorlikni mustahkamlash, Markaziy Osiyo mintaqasini yagona turistik yo‘nalish sifatida targ‘ib qilish borasida hindistonlik turoperatorlar, OAV va blogerlar uchun mamlakatimiz bo‘ylab muntazam ravishda info-turlar tashkil etilmoqda.
Xorijiy davlatlardan sayyohlar oqimini oshirish va mamlakatimiz turizm salohiyatini keng targ‘ib qilish maqsadida Hindistonning 11 nafar yetakchi blogerlarining Toshkent, Samarqand, Buxoroxo shaharlari va Toshkent viloyati bo‘ylab sayohatlari davom etmoqda.
Info-tur ishtirokchilari maxsus kontentlar yaratish hamda ijtimoiy tarmoqlarda keng targ‘ib qilish maqsadida o‘zbek madaniyati, urf-odatlari, turizm qishloqlari, madaniy meros obyektlari, hunarmandchilik mahsulotlari, milliy taomlar va umuman turizm sohasida amalga oshirilayotgan eng so‘nggi islohotlar va yaratilgan imkoniyatlar bilan yaqindan tanishib, tasvirga olish ishlarini amalga oshirishmoqda.