O‘zbekiston Respublikasi Turizm qo‘mitasi

Uchrashuv davomida turizm sohasidagi hamkorlikni rivojlantirish istiqbollari, jumladan, sanoat turizmi kabi yangi yo‘nalishlarni joriy etish masalalari muhokama qilindi. Ishlab chiqarish obyektlarini sayyohlik marshrutlariga kiritish g‘oyasiga alohida e’tibor qaratildi. Bu orqali sayyohlarga zamonaviy texnologiyalar va korxona madaniyati bilan tanishish imkoniyati yaratilishi ko‘zda tutilmoqda.

Tomonlar, shuningdek, sayyohlik hududlarida gastronomik festivallar o‘tkazish, brendlangan yo‘nalishlarni ishlab chiqish, pazandachilik sayohatlari va mahorat darslarini tashkil etish masalalarini muhokama qildilar. Ustuvor yo‘nalishlar qatorida qo‘shma marketing tashabbuslarini yo‘lga qo‘yish: esdalik sovg‘alarini ishlab chiqarish, ekologik turizmni, jumladan velosiped yo‘nalishlarini va barqaror tashabbuslarni rivojlantirish mavjud. O‘zbekistonning xorijdagi sayyohlik jozibadorligini targ‘ib qilishda xalqaro hamkorlik tarmog‘idan foydalanish muhimligi alohida ta’kidlandi.

Uchrashuv yakunida o‘zaro anglashuv memorandumi imzolanib, belgilangan loyihalarni amalda joriy etish uchun asos yaratildi.