Turizmni rivojlantirishda banklarning o‘rni
2025-04-21 09:30:00 / Yangiliklar
Respublikaning turizm salohiyatidan to‘liq va samarali foydalanish, birinchi navbatda transport-logistika va turizm infratuzilmasidagi muammolarni tezkor hal etish, shuningdek, mavjud resurslar va imkoniyatlardan har tomonlama foydalanish hisobiga turizm sohasida faoliyat yuritayotgan tadbirkorlik sub’ektlari uchun qo‘shimcha sharoitlar yaratish sohani rivojlantirishda muhim omil hisoblanadi.
Bu borada mamlakatimiz Prezidenti topshirig‘i bilan turizm sohasining sub’ektlariga aylanma mablag‘lar va investitsiyani ko‘paytirish uchun qo‘shimcha 300 milliard so‘mlik kredit liniyalari ochilgan.
Markaziy bank tomonidan mablag‘lar joylashtirilgan tijorat banklari haqidagi ma’lumotlar doimiy ravishda ommaviy axborot vositalarida e’lon qilib borilmoqda. Jumladan, Agrobank, Mikrokreditbank, Turonbank, Milliy bank, Asakabank, Sanoatqurilishbank va Xalq banki turizmni rivojlantirish maqsadida sohada faoliyat yuritayotgan tadbirkorlarga beminnat moliyaviy hamkor bo‘lib kelmoqda.
Bugungi kunda banklar tomonidan ajratilayotgan mablag‘lar evaziga ko‘plab turistik obyektlar qurilmoqda, ta’mirlanmoqda, ayrimlari qayta tiklanmoqda.