Toshkentda Boshqirdiston Respublikasining sayyohlik salohiyati taqdimoti o‘tkaziladi
2025-04-23 12:20:00 / Yangiliklar
Mazkur tadbir O‘zbekiston Respublikasi va Boshqirdiston Respublikasi o‘rtasidagi turizm sohasidagi ikki tomonlama hamkorlikni rivojlantirish doirasida tashkil etilmoqda. Taqdimot davomida Boshqirdistonning asosiy sayyohlik yo‘nalishlari, jumladan, tibbiy-sog‘lomlashtirish maskanlari, madaniy-tarixiy diqqatga sazovor joylar, shuningdek, faol va ekologik turizm imkoniyatlari namoyish etilishi rejalashtirilgan.
Ikki mamlakat turoperatorlari o‘rtasida tajriba almashishga, qo‘shma loyihalar istiqbollarini muhokama qilishga va sayyohlar oqimini ko‘paytirishga alohida e’tibor qaratiladi. B2B formatidagi rejalashtirilgan muzokaralar davomida tadbir ishtirokchilari Boshqirdiston sayyohlik kompaniyalari vakillari bilan bevosita muloqot qilish, qiziqtirgan savollarini berish va hamkorlik masalalarini muhokama qilish imkoniga ega bo‘ladilar.
Ushbu uchrashuv ikki mintaqa o‘rtasida ishbilarmonlik aloqalarini o‘rnatish va sayyohlarni jalb etish uchun mustahkam poydevor bo‘lib xizmat qilishi kutilmoqda.
Tadbirda ishtirok etish uchun 2025-yil 24-aprelgacha quyidagi havola orqali ro‘yxatdan o‘tishingizni so‘raymiz: https://docs.google.com/forms/d/13c1e2VPbbc7lt7MhmFmboxvFMcAtHFtlwyn1-2h9vKQ/edit
Tadbir soat 10:30 da boshlanadi.