Jizzaxning turizm imkoniyatlari Buyuk Britaniya bo‘ylab targ‘ib etiladi
2025-04-03 15:20:00 / Yangiliklar
Shu kunlarda O‘zbekistonning Buyuk Britaniyadagi turizm elchisi Sofi Ibbotson mamlakatimiz hududlari bo‘ylab yangi turizm marshrutlarida bo‘lib, G‘arbiy Yevropa davlatlari uchun yangi targ‘ibot materiallari yaratish ustida ishlamoqda.
Jumladan, 2025-yilning birinchi choragida 78 ming nafardan ortiq xorijiy sayyohlarni o‘zida qabul qilgan Jizzax viloyatining turizm imkoniyatlari bilan tanishildi.
Jizzax viloyatiga xorijiy sayyohlar oqimini oshirishda hududning turizm salohiyatini Buyuk Britaniya bozorida keng targ‘ib qilishda o‘ziga xos yondashuvlar ustida ishlash bo‘yicha kelishib olindi.
Shuningdek, viloyatda tashkil etilayotgan yangi turizm maskanlari targ‘ibotini to‘g‘ri yo‘nalishda amalga oshirish natijasida birinchi chorakda viloyatga kelgan 409 ming nafar mahalliy sayyohlar sonini keyinga davrlarda yanada ko‘paytirish bo‘yicha loyihalar amalga oshiriladi.