Turizm qo‘mitasida Fransiya taraqqiyot agentligi bilan hamkorlik masalalari muhokama qilindi
2026-01-30 15:20:00 / Yangiliklar
29 yanvar kuni Turizm qo‘mitasi rais o‘rinbosari S. Bobokalonov va Fransiya taraqqiyot agentligi shaharsozlik, rejalashtirish va ijtimoiy uy-joy bo‘limi rahbari Karine Frouin hamda agentlikning O‘zbekistondagi vakolatxonasi direktori Olive Granvuane bilan uchrashuv bo‘lib o‘tdi.
Uchrashuv davomida mamlakatda turizmni rivojlantirish, madaniy meros obyektlarini asrash va turistik jozibadorlikni oshirish masalalari muhokama qilindi.
Agentlik vakillari Nukus shahridagi Savitskiy muzeyining salohiyatidan to‘liq foydalanish, binolarni ta’mirlash va tashrif buyuruvchilar uchun jahon standartlari asosida sharoitlar yaratish hamda muzey atrofidagi ko‘chani “turizm ko‘chasi”ga aylantirish bo‘yicha konsepsiyalar ishlab chiqish rejalari haqida ma’lumot berdi.
Shuningdek, uchrashuvda Agentlik tomonidan O‘zbekistonda turizm infratuzilmasini rivojlantirish, ekologik va barqaror turizm loyihalarini xalqaro tashkilotlar tomonidan qo‘llab-quvvatlash bo‘yicha takliflar bildirildi.