Avtomobil ixlosmandlarini Namanganga taklif etamiz
2026-01-28 12:45:00 / Yangiliklar
2026-yil 13-14-fevral kunlari Namangan shahrida yosh texnik va avto havaskorlarni qo‘llab-quvvatlash, avtomobil tyuningi sanoatini rivojlantirish, avtomobil ixlosmandlari uchun yangi imkoniyatlar yaratish hamda avtoturizm sohasini yanada rivojlantirish maqsadida Afsonalar vodiysida “II-Xalqaro Namangan avto festivali” o‘tkaziladi.
Festivalda retro avtomobillar ko‘rgazmasi, “Tyuning” avtomobillari bellashuvi, avto hunarmandlar va eng mohir ustalar musobaqasi hamda turli yo‘nalishlardagi avtomobillar bellashuvlari tashkil etiladi.
Shuningdek, festival dasturi doirasida shahar bo‘ylab avtoparad, avto auksion va ehtiyot qismlar yarmarkasi, qimmatbaho sport avtomobillari namoyishi, karting va sport musobaqalari hamda konsert shou dasturlari o‘tkaziladi.