Malayziyada O‘zbekistonning turizm salohiyati targ‘ib qilinmoqda
2026-01-28 12:46:00 / Yangiliklar
Mazkur tashabbus O‘zbekiston Respublikasi Vazirlar Mahkamasining 2026-yil 9-yanvardagi “Umra plyus” ziyorat turizmi dasturini amalga oshirishga qaratilgan qoʼshimcha chora-tadbirlar toʼgʼrisida”gi 6-sonli qarori asosida amalga oshirildi. Road show doirasida O‘zbekistondan tashrif buyurgan 30 ga yaqin tadbirkorlik subyekti Malayziyaning 50 dan ortiq turizm va xizmat ko‘rsatish sohasidagi tadbirkorlari bilan B2B formatdagi uchrashuvlar o‘tkazdi.
Uchrashuvlar davomida O‘zbekistonning ziyorat, madaniy, tarixiy va gastronomik turizm yo‘nalishlari, shuningdek, “Umra plyus” dasturi doirasida yaratilgan qulay sharoitlar haqida batafsil ma’lumotlar taqdim etildi. Tomonlar o‘zaro hamkorlikni yo‘lga qo‘yish, qo‘shma turpaketlar ishlab chiqish hamda sayyohlar oqimini oshirish masalalarini muhokama qildilar.
Road show O‘zbekistonning xalqaro turizm bozoridagi nufuzini mustahkamlash, Malayziya bilan turizm sohasidagi aloqalarni kengaytirish va yangi investitsiyaviy imkoniyatlarni ochishga xizmat qilmoqda.