O‘zbekiston Respublikasi Turizm qo‘mitasi

Tadbir qatnashchilariga O‘zbekistonda amalga oshirilayotgan keng qamrovli islohotlar, Slovakiya bilan 2025 yilda erishilgan asosiy natijalar va ikki tomonlama munosabatlardagi istiqbolli rejalar to‘g‘risida batafsil ma’lumot berildi. O‘zbekiston va Slovakiya o‘rtasida turizm sohasidagi hamkorlikning bugungi holati va uni rivojlantirish istiqbollariga alohida e’tibor qaratildi.

Diana Shtrofova bildirilgan yuksak ishonch uchun minnatdorlik izhor etib, o‘z bilim va tajribalarini qo‘llab, O‘zbekistonning turistik imkoniyatlarini jahon bozorida faol targ‘ib etishga qaratilgan aniq chora-tadbirlarni amalga oshirishga harakat qilishini aytib o‘tdi.

Diana Shtrofova 1998–2006-yillarda Slovakiya Milliy Kengashi (parlament) deputati bo‘lgan. 2006–2010-yillarda Slovakiya Tashqi ishlar vazirligida davlat kotibi lavozimida faoliyat yuritgan. 2012-yildan beri “AZC Group” kompaniyasining tashqi aloqalar masalalariga masʼul.