O‘zbekistonning turizm salohiyati Xitoyda targ‘ib qilinmoqda
2025-12-25 15:05:00 / Yangiliklar
Pekin shahrining eng gavjum va nufuzli manzillaridan biri bo‘lgan Szinbao ko‘chasidagi zamonaviy LED-ekranda O‘zbekistonning sayyohlik imkoniyatlari namoyish etilmoqda.
Mazkur loyiha O‘zbekiston Respublikasi Turizm qo‘mitasi tashabbusi va mamlakatimizning Pekindagi elchixonasi bilan hamkorlikda “Xitoyda O‘zbekiston turizmi yili” doirasida amalga oshirilmoqda.
Roliklar har kuni soat 08:00 dan 21:00 gacha efirga uzatilmoqda. Har bir 15 soniyalik video kuniga 120 marta har 4 daqiqada ko‘rsatilmoqda.
Ekranning joylashish hududidagi kunlik piyodalar va avtomobillar harakati taxminan 350 000 kishini tashkil etadi, bu esa Xitoy bozorida O‘zbekistonning turistik imidjini yuqori darajada qamrab olish va samarali targ‘ib qilishni ta’minlaydi.