Özbekiston Respublikasi Iqtisodiyot va moliya vazirligi huzuridаgi Dаvlаt zаxirаlаrini boşqаriş qömitаsi

Til – millatning ruhi, uning o‘zligini va madaniy merosini aks ettiruvchi eng ulug‘ boylikdir. 21-oktabr kuni O‘zbek tiliga davlat tili maqomi berilgan sana sifatida mamlakatimizning har bir go‘shasida alohida hurmat bilan nishonlanadi. Ushbu kunda ona tilimizning beqiyos qadri, xalqimizning o‘zligini va tarixini ifodalashdagi o‘rni yana bir bor yodga olinadi.

Iqtisodiyot va moliya vazirligi huzuridagi Davlat zaxiralarini boshqarish qo'mitasi jamoasi butun yurtdoshlarimizni ushbu ulug‘ sana – O‘zbek tili bayrami bilan tabriklaydi va tilimizni e’zozlash, asrab-avaylashda barchani birlashishga chaqiradi. Ona tilimizning ulug‘vorligi, uning kelajak avlodga yetkaziladigan bebaho meros sifatida avaylanishi va yangi cho‘qqilarga olib chiqilishi har birimizning sharafli burchimizdir.

Har bir millatning kelajagi uning ona tiliga bo‘lgan mehr va ehtiromi bilan chambarchas bog‘liqdir. O‘zbek tili bugungi kunda nafaqat yurtimizda, balki dunyo miqyosida e’tirof etilayotgan, sevib o‘rganilayotgan tillardan biri sifatida alohida ahamiyat kasb etmoqda. Yurtimizdan uzoqda yashayotgan o‘zbek farzandlari ham ona tilimizni sevib o‘rganayotgani quvonarli hol.

O‘zbek tili – milliy ruhiyatimizning, qadimiy va boy tariximizning yorqin ifodasi. U nafaqat aloqa vositasi, balki millatimizning o‘tmishi, buguni va kelajagini birlashtiruvchi mustahkam ko‘prikdir. Har bir so‘z, har bir ibora, har bir she’r tilimiz orqali millatimizning tarixiy qadriyatlarini avlodlarga yetkazishda xizmat qiladi.

Keling, bu kunni ona tilimizning buyukligini his etib, tilimizni asrash va boyitish yo‘lida yangi qadamlar tashlaylik!