Endi akademik litseylarga kirish imtihonlari formatidagi diagnostik test sinovlarini onlayn bajarish mumkin
2024-04-13 11:50:00 / Vazirlik yangiliklari
Vazirlik huzuridagi Bilimni baholash agentligi tomonidan akademik litseylarga kirish test sinovlari formatidagi namunaviy test topshiriqlari asosida onlayn diagnostik test sinovlari yo‘lga qo‘yildi.
Ushbu diagnostik test sinovlari orqali talabgorlar o‘z bilimini sinab ko‘rishi va akademik litseylarga kirish test sinovlariga puxta tayyorgarlik ko‘rishi mumkin.
Eng asosiysi, ushbu xizmat onlayn test shaklida ishga tushirilgan bo‘lib, undan istalgan vaqtda my.uzbmb.uz/service/97 havolasi orqali bepul foydalanish imkoniyati yaratilgan.
Shuningdek, diagnostik test sinovi natijasi asosida akademik litseylarni tanlagan holda o‘tgan yilgi o‘tish ballarini hamda o‘qishga kirish imkoniyatini aniqlash mavjud.