Vazir Jizzax davlat pedagogika universitetida bo‘ldi
2024-04-08 17:05:00 / Vazirlik yangiliklari
Shu kunlarda Oliy ta’lim, fan va innovatsiyalar vaziri Qo‘ng‘irotboy Sharipov Jizzax viloyatida joylashgan oliy ta’lim muassasalarida olib borilayotgan ishlarni ko‘zdan kechirmoqda. Bugun Jizzax davlat pedagogika universitetida bo‘lgan vazir talabalarga yaratilgan sharoitlar, “STEAM” park, o‘quv laboratoriyalar faoliyati bilan tanishdi. Shundan so‘ng, ta’lim sifatini oshirish borasidagi tashabbus va istiqbolli rejalar taqdimoti o‘tkazildi.
Shuningdek, universitetning ta’lim jarayonida xalqaro hamkorlik aloqalarini samarali amalga oshirish, ta’lim sifatini yaxshilash, ta’lim jarayonini takomillashtirish, “STEAM” yo‘nalishini rivojlantirish, moddiy-texnik bazasini mustahkamlash bo‘yicha fikr almashildi. Oliy ta’limning rivojlanishiga ko‘maklashuvchi yangi shakl, dastur va istiqbolli tashabbuslarni qo‘llab-quvvatlash, ilmiy ishlanmalar natijalarini amaliyotga samarali joriy etish borasidagi bir qancha tavsiyalar berildi.
Yakunda universitetda tashkil etilgan “Professorlar bog‘i”ga vazir Qo‘ng‘irotboy Sharipov yashil makon umummilliy loyihasi doirasida ko‘chat ekdi.