Vazir namangan muhandislik-qurilish institutidagi ilmiy ishlanmalar va loyihalar bilan tanishdi
2024-03-25 12:30:00 / Vazirlik yangiliklari
Vazir xususan quyosh va shamol energiyasida ishlovchi muqobil energetika qurilmalariga eʼtibor qaratdi. Ularni amaliyot bilan uyg‘unlashtirish bo‘yicha takliflarini bildirdi.
Shuningdek, qishloq xo‘jaligini mexanizatsiyalash qurilmalari, jamoat transporti harakatini tartibga solish bo‘yicha loyihalar qiziqish uyg‘otdi.
Vazir qurilish yo‘nalishida tahsil oluvchi talabalar uchun maxsus ishlab chiqarish maydonlari va laboratoriyalar tashkil etish hamda ularni integratsiyasi bo‘yicha fikr-mulohazalarni tingladi va qo‘llab-quvvatladi.
Vazir, shuningdek, institut Transport fakulteti qoshidagi Bionika laboratoriyasi faoliyati bilan ham tanishdi.
Prezident tashabbusi bilan tashkil etilgan va Oliy taʼlim, fan va innovatsiyalar vazirligi tomonidan 1,5 mlrd so‘m mablag‘ evaziga moliyalashtirilgan mazkur laboratoriya eng so‘nggi rusumdagi qurilmalar bilan jihozlangan bo‘lib, hozirgi kunda bu yerda talabalar va maktab o‘quvchilari bionika va robototexnika yo‘nalishida shug‘ullanib kelmoqda.