Oʻzbekiston va Rossiya oʻrtasida oliy taʼlim, fan va innovatsiyalar sohasida hamkorlik aloqalari mustahkamlanmoqda
2024-03-19 20:05:00 / Vazirlik yangiliklari
Vazir Q. Sharipov Oʻzbekiston va Rossiya oʻrtasida oliy taʼlim va ilm-fan sohasidagi aloqalar muvaffaqiyatli rivojlanib borayotganini alohida taʼkidladi.
Uchrashuvda oʻzaro munosabatlarda toʻplangan ijobiy tajribaga asoslanib, Rossiya universitetlari bilan hamkorlikni yanada kengaytirish masalasi muhokama qilindi. Xususan, Oʻzbekiston–Rossiya taʼlim forumi haqida gapirilarkan, bunday anjumanlar sohadagi hamkorlikni rivojlantirish masalalarini muhokama qilish uchun muhim maydon boʻlib xizmat qilayotgani qayd etildi.
Shuningdek, tomonlar yuqori texnologik sohalarda ikki tomonlama ilmiy-texnik hamkorlikka urgʻu berdilar, jumladan Rossiyaning eng yirik ilmiy markazlaridan biri “Kurchatov instituti” milliy ilmiy markazi bilan loyihalarni kengaytirish istiqbollarini muhokama qildilar. Qoʻshma ilmiy loyihalar tanlovini tashkil qilish hamda bu maqsadda yangi hamkorlik hujjatini imzolash yuzasidan fikr almashildi.