Akademik va yoshlar uchrashuvi bo‘lib o‘tdi
2024-03-19 18:20:00 / Vazirlik yangiliklari
Bugun, 19-mart kuni Guliston davlat universitetida Toshkent davlat texnika universiteti rektori, akademik Sadriddin Turobjonov va talaba-yoshlar uchrashuvi tashkil etildi.
Unda Sadriddin Turobjonovning ilmiy faoliyati, olib borgan ilmiy tadqiqotlari va ularning natijalari to‘g‘risida ma’lumot berildi. Akademik universitetning talaba-yoshlari va yosh tadqiqotchilariga o‘zining tajribasi bilan o‘rtoqlashib, ular tomondan berilgan savollarga batafsil javob berdi.
S. Turobjonovning ilmiy faoliyati og‘ir organik sintez mahsulotlari texnologiyalari va kam chiqindili texnologiyalar sohasida ixtirolar yaratishga qaratilgan. Organik kimyoning uglevodorodlar va ularning hosilalari asosida murakkab efirlar olishning kam chiqindili texnologiyalarini yaratish bo‘yicha olimning alohida o‘rni bor.