“Data Science” oʻquv kursini rivojlantirish istiqbollariga bagʻishlangan ilmiy-amaliy seminar oʻtkazildi
2024-02-26 18:45:00 / Vazirlik yangiliklari
Seminarda Oliy taʼlim fan va innovatsiyalar vaziri Qoʻngʻirotboy Sharipov, Raqamli texnologiyalar vaziri Sherzod Shermatov va qator oliy taʼlim muassasalari rahbarlari, professor-oʻqituvchilar ishtirok etdi.
Oliy taʼlim, fan va innovatsiyalar vaziri Q. Sharipov “Ilgʻor muhandislik maktabini yaratish va taʼlim strategiyasi” mavzusida chiqish qilib, oliy taʼlim yoʻnalishlarini maqbullashtirish, taʼlim dasturlari uzviyligini taʼminlash va zamonaviy dasturlarni amaliyotga joriy etish, ish beruvchilar integratsiyasini taʼminlash, taʼlim muassasalarini darslik va adabiyotlar bilan taʼminlash masalasida amalga oshirilishi kutilayotgan ishlar va rejalar bilan tadbir ishtirokchilarini tanishtirdi.
Ishtirokchilar Oʻzbekistondagi maʼlumotlar fani sohasidagi mavjud vaziyatni oʻrganish, fikr almashish va ushbu sohadagi istiqbollarni muhokama qilish imkoniga ega boʻldilar.