O‘zbekiston Respublikasi Oliy taʼlim, fan va innovatsiyalar vazirligi

Qoʻmita aʼzolari tomonidan vazirlikning hisobot davrida davlat byudjeti hisobidan ajratilgan mablagʻlardan maqsadli va samarali foydalanishi, shuningdek, belgilangan maqsadli indikatorlar ijrosi yuzasidan amalga oshirilgan ishlar atroflicha muhokama qilindi.

Oliy ta’lim, fan va innovatsiyalar vazirligi tomonidan maqsadli indikator ijrosi yuzasidan qator ishlar amalga oshirilgan. Jumladan, maqsadli indikatorlarning 23 tasi to‘liq, 2 tasi esa qisman bajarilgan.

Deputatlar 2023-2024-o‘quv yilida respublika umumta’lim maktablari va akademik litseylarni tamomlagan jami 424 530 nafar bitiruvchilardan 186 374 nafari davlat hamda nodavlat oliy ta’lim muassasalari, xorijiy oliy ta’lim muassasalari va ularning filiallariga o‘qishga qabul qilinganini, umumta’lim maktablarining 594 181 nafar 9-sinf bitiruvchilaridan 123 133 nafari kasb-hunar maktablariga qabul qilinganini alohida e’tirof etdilar. Shu bilan birga, talabalarni turar joy bilan ta’minlash borasidagi ishlarni yanada jadallashtirish kerakligini ta’kidladilar.

Muhokamalar davomida deputatlar tomonidan vazirlik mutasaddilariga har yilgi davlat budjetidan ajratiladigan mablag‘lardan samarali foydalanish, bunda maqsadli indikatorlar ijrosi boʻyicha choraklik hisobotlarni tizimli ravishda nazorat qilish yuzasidan tegishli taklif va tavsiyalar berildi.