O‘zbekiston Respublikasi Oliy taʼlim, fan va innovatsiyalar vazirligi

Mazkur suhbatda Oliy ta’lim, fan va innovatsiyalar vazirligi huzuridagi Bosh ilmiy markaz rahbari, professor U. Begimqulov ham ishtirok etdi. U mikro-malakalar tizimi, ularni milliy ta’lim tizimiga integratsiya qilish masalalari yuzasidan o‘z fikrlari bilan o‘rtoqlashdi.

Vebinar davomida Feruza Rashidova tomonidan mikro-malaka tizimining mazmuni, xorijiy tajriba asosida yaratilayotgan yangi yondashuvlar hamda oliy ta’limdagi zamonaviy terminologiyalarning mazmuni haqida batafsil tushuntirishlar berildi.

Suhbat o‘zbek tilida erkin muloqot shaklida o‘tkazilib, ishtirokchilar o‘zlarini qiziqtirgan savollarga bevosita javob oldilar. Xalqaro ekspertlar bu safar qatnasha olmagan bo‘lsa-da, muhokama mazmunan boy va interaktiv ruhda o‘tdi.

Mikro-malakalar nafaqat o‘quvchilar va talabalarning aniq kompetensiyalarini hujjatlashtirishga xizmat qiladi, balki butun ta’lim tizimi uchun moslashuvchan va zamonaviy yondashuvlarni taklif etadi.