Vazir Andijonda dual taʼlimdagi yoshlar bilan uchrashdi
2025-04-14 12:00:00 / Vazirlik yangiliklari
Oliy taʼlim, fan va innovatsiyalar vaziri Qoʻngʻirotboy Sharipovning Andijon viloyatiga tashrifi Boʻloqboshi tumanidan boshlandi. Vazir «FAYZ-M» masʼuliyati cheklangan jamiyatida dual taʼlim tizimi asosida amaliyot oʻtayotgan Boʻloqboshi tumani 2-son politexnikumi oʻquvchilari bilan uchrashdi
Uchrashuv davomida vazir yoshlarning oʻqish va amaliyot davomida orttirayotgan tajribasi, kelajak rejalari bilan qiziqdi. Q.Sharipov davlat tomonidan yoshlarga yaratilayotgan imkoniyatlar, xususan, dual taʼlim tizimi orqali nazariya bilan amaliyotni uygʻunlashtirish imkoniyati haqida fikr bildirdi.
Vazir hozirgi kunda raqobatbardosh mutaxassis boʻlish uchun ishlab chiqarishda amaliy tajribaga ega boʻlish muhim ekanini taʼkidladi. Shu bilan birga, u oʻquvchilarni faol, tashabbuskor boʻlishga, yangi gʻoyalar bilan chiqishga, zamonaviy texnologiyalarni oʻzlashtirishga chaqirdi.
Vazir suhbat soʻngida talabalarning fikrlari, takliflari va muammolarini diqqat bilan tinglab, ularni hal etish yuzasidan tegishli masʼullarga aniq topshiriqlar berdi.