Vazir Fransiyada tahsil olayotgan yoshlar bilan ochiq muloqot o‘tkazdi
2025-03-11 08:00:00 / Vazirlik yangiliklari
Vazir yoshlarning fikr va takliflarini tinglar ekan, davlatimiz tomonidan ilm-fan, innovatsiya va kadrlar tayyorlash borasida amalga oshirilayotgan islohotlar xususida ma’lumot berdi. Shuningdek, xorijda ta’lim olayotgan yosh mutaxassislarning O‘zbekistonga qaytib, o‘z bilim va tajribalarini milliy taraqqiyotga yo‘naltirishlari uchun yaratilayotgan sharoitlar haqida so‘z yuritildi.
Tadbir doirasida Yoshlar akademiyasiga qabul qilingan bir guruh iqtidorli yosh mutaxassislarga guvohnomalar hamda a’zolik belgilari topshirildi. Bu esa ularning ilmiy-ijodiy faoliyatini yanada qo‘llab-quvvatlash hamda innovatsion loyihalarini rivojlantirishga xizmat qiladi.
Uchrashuv ochiq muloqot ruhida o‘tib, yoshlar o‘zlarini qiziqtirgan savollarga javob olish imkoniga ega bo‘ldilar. Tadbir yakunida yosh mutaxassislar yurtimizda ilm-fan va innovatsiyalarni rivojlantirishga hissa qo‘shishga tayyor ekanliklarini ta’kidladilar.