Oliy ta’lim, fan va innovatsiyalar vaziri Fransiya elchisi bilan uchrashdi
2025-03-04 17:45:00 / Vazirlik yangiliklari
Tomonlar oliy ta’lim, ilm-fan va innovatsiyalar sohasidagi istiqbolli loyihalarni muhokama qilib, Toshkent shahridagi Fransuz litseyi faoliyatini kengaytirish hamda uni O‘zbek-Fransuz universiteti tarkibiga kiritish masalalarini ko‘rib chiqdi.
Shuningdek, joriy yilning 10-mart kuni Parij shahrida bo‘lib o‘tadigan “Ilm-fan va ta’lim: O‘zbekiston – Fransiya ko‘prigi” ilmiy-amaliy konferensiyasiga tayyorgarlik masalalari ham ko‘rib chiqildi. Mazkur konferensiyada O‘zbekistondan 15 dan ortiq oliy ta’lim muassasalari rahbarlari ishtirok etishi rejalashtirilgan bo‘lib, tadbir O‘zbekiston va Fransiya o‘rtasidagi akademik almashinuv va ilmiy tadqiqotlar sohasida yangi imkoniyatlar ochishga xizmat qilishi ta’kidlandi.
Uchrashuv yakunida tomonlar ikki tomonlama hamkorlikni yanada rivojlantirishga kelishib oldilar.