O‘zbekiston Respublikasi Oliy taʼlim, fan va innovatsiyalar vazirligi

Safar dasturiga muvofiq delegatsiya Novosibirsk viloyatining Professional ta’limni rivojlantirish markazi, Oziq-ovqat va xizmat ko‘rsatish kolleji, Elektronika kolleji hamda “Avtomobil va yo‘llarga texnik xizmat ko‘rsatish” kollejida bo‘ldi.

Mehmonlar ushbu muassasalar faoliyati, o‘quvchilarning ilm olishlari uchun yaratilgan shart-sharoitlar bilan yaqindan tanishib, ta’lim jarayonlari bo‘yicha tajriba almashdilar. Shuningdek, markaz va kollejlarning rahbariyati hamda pedagoglari bilan uchrashuvlar o‘tkazilib, kelajakdagi hamkorlikni rivojlantirish bo‘yicha rejalar belgilandi.

Mazkur safar ikki tomonlama hamkorlikni mustahkamlash, ta’lim sifatini oshirish va tajriba almashish maqsadida amalga oshirildi. Kelgusida ta’lim muassasalari o‘rtasida qo‘shma loyihalar va akademik almashinuv dasturlarini amalga oshirish rejalashtirilgan.