O‘zbekiston Respublikasi Oliy taʼlim, fan va innovatsiyalar vazirligi

Gyote-instituti tomonidan tashkil etilgan mazkur safar davomida delegatsiya vakillari Germaniyaning Gamburg shahrida joylashgan Gyote-instituti, Flensburg shahridagi kasb-hunar maktabi, shuningdek, o‘quvchilar amaliyot o‘tashi belgilangan mehmonxonalarda bo‘lishdi. Ushbu xizmat safari davomida texnikum o‘quvchilarining Germaniyada malaka oshirishi va amaliyot o‘tashi uchun zarur sharoitlar o‘rganildi.

Bundan tashqari,Germaniyaning Flensburg shahridagi Savdo-sanoat palatasi bilan muzokaralar o‘tkazildi. Muzokaralarda texnikum o‘quvchilarining amaliyot dasturlari, ularning malakasini oshirish imkoniyatlari va ikki tomonlama hamkorlik masalalari muhokama qilindi.

Muzokaralar yakunida Oliy ta’lim, fan va innovatsiyalar vazirligi, Gyote-instituti hamda Flensburg Savdo-sanoat palatasi o‘rtasida texnikum o‘quvchilarining Germaniyada amaliyot o‘tishini yo‘lga qo‘yish bo‘yicha kelishuv imzolandi. Ushbu kelishuv O‘zbekiston yoshlari uchun xalqaro tajriba orttirish, malaka oshirish va kasbiy mahoratlarini rivojlantirishda yangi imkoniyatlar yaratadi.