O‘zbekiston Respublikasi Oliy taʼlim, fan va innovatsiyalar vazirligi

Unda tomonlar oʻzaro hamkorlikni mustahkamlash uchun qator yoʻnalishlar boʻyicha fikr almashdilar.

Uchrashuvda vazir Q. Sharipov Oʻzbekistonda oliy taʼlim, fan va innovatsiyalar sohasida olib borilayotgan islohotlar haqida soʻzlab, taʼlim va ilm-fanda xalqaro aloqalarni kengaytirish muhim ahamiyatga ega ekanini taʼkidladi. Yevropa davlatlari, jumladan, Malta bilan hamkorlikning yangi istiqbollari muhokama qilindi.

Malta elchisi Karmelo Inguanez ikki davlat oʻrtasida taʼlim sohasidagi hamkorlikni kengaytirishga boʻlgan qiziqishini bildirib, Malta universiteti hamda Malta sanʼat, fan va texnologiya kolleji faoliyati haqida maʼlumot berdi. Ushbu taʼlim muassasalari zamonaviy taʼlim yoʻnalishlari boʻyicha yuqori malakali mutaxassislar tayyorlashga yoʻnaltirilgan. Shuningdek, Maltadagi Oʻrta yer dengizi Diplomatik akademiyasida turli davlatlardan taklif qilingan xorijiy professorlar taʼlim berishini qayd etdi.

Uchrashuv natijasida, ikki mamlakat oʻrtasida yashil iqtisodiyot, turizm, muhandislik, tibbiyot va axborot texnologiyalari sohalarida hamkorlikni yoʻlga qoʻyish boʻyicha rejalar belgilab olindi. Shuningdek, Malta hukumati tomonidan ajratiladigan grantlar asosida oʻzbek yoshlari uchun oʻqish va professor-oʻqituvchilar malakasini oshirish imkoniyatlari muhokama qilindi. Akademik almashinuv dasturlari ham ishlab chiqilishi kutilmoqda.