O‘zbekiston Respublikasi Oliy taʼlim, fan va innovatsiyalar vazirligi

Hozirda mazkur topshiriqlar ijrosi yuzasidan joylarda vazirlikning ishchi guruhlari faoliyat yuritmoqda.

24-yanvar kuni Oliy ta’lim, fan va innovatsiyalar vaziri, Ishchi guruh rahbari Qo‘ng‘irotboy Sharipov Nukus davlat pedagogika institutida hududdagi oliy ta’lim muassasalari rahbarlari ishchi guruhi a’zolari bilan yig‘ilish o‘tkazdi.

Unda vazir oliy ta’lim muassasalarida o‘quv jarayonini takomillashtirish, raqamlashtirish va ta’lim sifatini oshirish, ilmiy-tadqiqotlarning natijadorligini oshirish, fan, ta’lim va ishlab chiqarish integratsiyasini kengaytirish, ijtimoiy-ma’naviy muhitni sog‘lomlashtirish, talaba yoshlarda tarbiyaviy ishlar tizimini takomillashtirish moddiy-texnik ta’minot, o‘quv laboratoriyalarini zamonaviy asbob-uskunalar bilan ta’minlash, xorijiy ta’lim va tadqiqot muassasalari bilan hamkorlik aloqalarini yo‘lga qo‘yish bo‘yicha amalga oshirilayotgan ishlar hamda mavjud muammolar yechimi yuzasidan takliflar ishlab chiqish Respublika ishchi guruhining asosiy maqsadi ekanligini ta’kidladi.

Videokonferensaloqa tarzida o‘tkazilgan yig‘ilishda barcha hududlarda o‘rganish ishlarini olib borayotgan Respublika ishchi guruhi a’zolariga tegishli topshiriqlar berildi.

Shundan so‘ng vazir yoshlarning ilmiy-innovatsion g‘oyalari va startap loyihalarini qo‘llab-quvvatlash maqsadida tashkil etilgan “Bo‘lajak olim” ilmiy g‘oyalar tanlovida g‘olib deb topilgan qoraqalpog‘istonlik yoshlarni taqdirladi. Ularga sertifikat va ilmiy loyihalarini amalga oshirish uchun ajratilgan pul mablag‘lari topshirildi.