Qoraqalpoq davlat universitetida Oliy ta’lim, fan va innovatsiyalar vaziri o‘rinbosarining sayyor qabuli bo‘lib o‘tdi
2025-01-15 20:40:00 / Vazirlik yangiliklari
Sayyor qabul davomida o‘quv jarayonini takomillashtirish, ilmiy izlanishlarni qo‘llab-quvvatlash va talaba-yoshlar uchun qulay sharoitlar yaratish kabi masalalar yuzasidan muhokamalar o‘tkazildi. Shuningdek, vazir o‘rinbosari murojaatlarga javob berar ekan, har bir masala bo‘yicha batafsil tushuntirishlar berdi va tegishli choralar ko‘rilishi yuzasidan mas’ullarga topshiriqlar berdi.
Mazkur sayyor qabul Oliy ta’lim, fan va innovatsiyalar tizimida amalga oshirilayotgan islohotlarning amaliyotdagi yana bir yorqin misoli bo‘ldi. U talabalarning muammolarini hal qilish, ilmiy tadqiqotlarni qo‘llab-quvvatlash va ta’lim sifati oshirilishiga qaratilgan yangi mexanizmlarni joriy etishda muhim qadam bo‘ldi. Sayyor qabul yakunida barcha qatnashchilarga minnatdorchilik bildirilgan holda, muhokama qilingan masalalar bo‘yicha belgilangan choralar amalga oshirilishi ta’kidlandi.