Nukusda yangi zamonaviy tipdagi 400 o‘rinli talabalar turar joyi foydalanishga topshirildi
2025-01-15 20:30:00 / Vazirlik yangiliklari
Unda Qoraqalpog‘iston Respublikasi Jo‘qorg‘i Kengesi qo‘mita raisi Murat Atamuratov, Oliy ta’lim, fan va innovatsiyalar vaziri o‘rinbosari Sarvarxon Buzrukxonov, Qoraqalpog‘iston Respublikasi Vazirlar Kengashi raisi o‘rinbosari Bayram O‘temuratov, universitet jamoasi, nuroniylar, professor-o‘qituvchilar, talaba-yoshlar va ommaviy axborot vositalari vakillari ishtirok etdi.
Tantanali tadbir ochilishida so‘zga chiqqanlar Prezidentimiz rahbarligida yosh avlodning ta’lim olishi, ijtimoiy himoyasi, ularning kelajakda barkamol insonlar bo‘lib voyaga yetishi uchun barcha sharoitlar yaratilayotgani, ayniqsa, ta’lim sohasiga qaratilayotgan e’tibor, jumladan, talabalarni yotoqxona bilan ta’minlash masalasiga alohida e’tibor qaratilayotganini aytib, barchani yangi bino ochilishi bilan samimiy qutlashdi.
Shundan so‘ng, yangi qad rostlagan talabalar turar joyining ramziy kaliti Qoraqalpoq davlat universiteti rektori, akademik Axmed Reymovga tantanali ravishda topshirildi. Tadbir davomida tashrif buyurgan mehmonlar turar joy sharoitlari bilan tanishib, u yerdagi talaba-yoshlar bilan bir dasturxon atrofida suhbatlashdi.
Yig‘ilganlar yotoqxona talabalar uchun mebel jihozlari, zamonaviy elektr pechlari, muzlatkichlar, kir yuvish mashinalari, mikroto‘lqinli pechlar, suv isitish uskunalari kabi maishiy texnikalar bilan ta’minlanganligining guvohi bo‘lishdi.
Ma’lumot uchun: mazkur foydalanishga topshirilgan talabalar uyining qurilish ishlari uchun universitetning byudjetdan tashqari jamg‘armasidan 22 mlrd so‘mdan ortiq mablag‘ ajratilib, “ELLIKQALA MAXSUS QURILISH” MCHJ tomonidan qurib bitkazildi.