“III Xalqaro inklyuziv ijodiy o‘yinlar” festivali 16 ta davlat yoshlarini birlashtirdi
2023-09-12 15:30:00 / Vazirlik yangiliklari
Festivalda o‘zbek yoshlari tomonidan “O‘zbek milliy urf odatlari” nomli spektakl namoyish etildi. Shuningdek, O‘zbek milliy liboslari modalar ko‘rgazmasi, milliy raqslar namoyishi ishtirokchilarda katta qiziqish uyg‘otdi.
Tadbir davomida imo-ishoralar bilan qo‘shiq kuylash yo‘nalishida Oleg Oshipkov Filip Kirkorovning “Немного жаль” ashulasini ijro etib, gran pri mukofotiga, Kamila Yakubjanova esa O‘zbekiston xalq artisti Yulduz Usmonovaning “Hech kimga bermaymiz seni O‘zbekiston” nomli ashulasini kuylab, faxrli III o‘ringa sazovor bo‘ldi. Ikkala chiqish ham barchada o‘zgacha taassurot qoldirdi.
Bundan tashqari, rasmlar ko‘rgazmasi yo‘nalishi bo’yicha 16 ta davlat jamoalari orasidan o‘zbekistonliklar faxrli uchinchi o‘rinni egallab, lauriat sohibi bo‘lishdi. Mamlakatimiz yoshlarining tadbirdagi chiqishlari boshqa davlat jamoalarining alohida tahsiniga sazovor bo‘lib, yurtimiz madaniyati, urf-odatlariga bo‘lgan qiziqishlarini yanada orttirdi.