O‘zbekiston va Ozarbayjon o‘rtasida tekstil sanoati sohasida talabalar almashinuvi bo‘yicha muzokaralar o‘tkazildi
2024-10-15 13:00:00 / Vazirlik yangiliklari
G.Xasanova O‘zbekistonning agrar sohadagi tajribasini e'tirof etib, Ozarbayjonning tekstil sanoati uchun mamlakatimizning malakali yosh mutaxassislarini jalb qilish taklifini bildirdi. Tomonlar Toshkent davlat agrar universiteti hamda Toshkent to‘qimachilik va yengil sanoat institutida bo‘lib, u yerda tahsil olayotgan talabalarning Ozarbayjon tekstil kompaniyalarida amaliyot o‘tash istiqbollarini muhokama qilishdi.
Vazir Q.Sharipov o‘z o‘rnida yuqoridagi oliy ta'lim muassasalari bitiruvchi kurs talabalari va Ozarbayjon talabalari almashinuvi dasturini pilot loyiha sifatida ishga tushirish taklifini ma'qulladi.
– Qardosh mamlakatlar sifatida bir-birimizning tajribamizdan foydalanishimiz juda muhim, – dedi vazir. – Shuningdek, Ozarbayjonning gaz-neft sohasidagi tajribasini o‘rganishga tayyormiz.
Tomonlar kelgusida ikki tomonlama hamkorlik memorandumi imzolashga kelishdilar.