“Mirzo Ulug‘bek: buyuk qomusiy olim va mashhur davlat arbobi” mavzusidagi xalqaro anjuman o‘z ishini boshladi
2024-10-10 14:30:00 / Vazirlik yangiliklari
Tadbirni Oliy ta’lim, fan va innovatsiyalar vaziri o‘rinbosari Otabek Mahkamov, Fanlar akademiyasi vitse-prezidenti Bahrom Abduhalimov, Fransiyadagi Temuriylar jamiyati prezidenti Frederique Bressand, Samarqand viloyati hokimi yordamchisi Xusan To‘xtayev tabrik so‘zlari bilan ochib berdi.
Konferensiya yalpi majlisi hamda sho‘ba majlislarida davom etmoqda. Anjumandan ko‘zlangan maqsad Mirzo Ulug‘bek hayoti va ijodini chuqur o‘rganish, ilmiy merosini o‘sha davr jahon ilm-fani kontekstida tahlil qilish, shuningdek, uning g‘oyalari zamonaviy dunyo uchun dolzarbligini muhokama qilishdan iborat.
Ikki kun davomida yo‘nalishlar bo‘yicha 50 dan ortiq ilmiy ma’ruzalar qilinishi ko‘zda tutilgan. Ularda jahon hamda respublikadagi oliy o‘quv yurtlari professor-o‘qituvchilari, ilmiy-tadqiqot institutlari, muzeylar, arxivlar hamda boshqa muassasalardagi ijtimoiy-gumanitar fanlari ilmiy xodimlari, yosh olimlari, doktorantlar va mustaqil tadqiqotchilar ishtirok etishadi.