Oliy ta’lim, fan va innovatsiyalar vaziri Misr elchisini qabul qildi
2024-09-19 14:00:00 / Vazirlik yangiliklari
Oliy ta’lim, fan va innovatsiyalar vaziri Qo‘ng‘irotboy Sharipov O‘zbekistondagi diplomatik missiyasini yakunlayotgan Misr elchisi Amira Faxmini qabul qildi.
Elchi xonim uning ilk elchilik faoliyati aynan O‘zbekistondan boshlanganini qayd etib, mamlakatimiz va xalqimizga bo‘lgan o‘zgacha munosabatini bildirib o‘tdi. Va bundan keyin YuNESKO da boshlayotgan faoliyatida ham mamlakatimiz rivojiga hissa qo‘shadigan har qanday tashabbuslarni qo‘llab-quvvatlashga tayyorligini bildirdi.
Vazir bu yuksak baho uchun minnatdorlik bildirar ekan, elchi xonimga keyingi faoliyatiga muvaffaqiyat tiladi va Oliy ta’lim, fan va innovatsiyalar vazirligining Misr bilan bundan keyin ham aloqalarni kengaytirishga tayyorligini ma’lum qildi.
Amira Faxmi 2020-yil dekabridan buyon Misrning Oʻzbekistondagi elchisi lavozimida ishlab kelayotgan edi.