magistr.edu.uz saytidagi hujjatlar qabuli bo‘yicha arizalar soni to‘g‘ri ko‘rsatilganligi ma’lum qilinadi.
2024-08-27 17:45:00 / Vazirlik yangiliklari
2024/2025-oʻquv yili uchun magistratura mutaxassisliklariga 33 172 ta ariza onlayn qabul qilingan. Qabul natijalariga ko‘ra davlat granti asosida 6 746 nafar, toʻlov-kontrakt asosida 5 658 nafar abituriyent, jami 12 404 nafar abituriyent, qoʻshimcha davlat granti asosida 883 nafar Oʻzbekiston Respublikasi Prezidentining davlat stipendiyalari va nomli davlat stipendiyalari sovrindorlari, Zulfiya nomidagi Davlat mukofotlari sohibalari, fan olimpiadasi gʻoliblari, “Mard oʻgʻlon” Davlat mukofoti sohiblari, koʻzi ojiz toifasiga kiruvchi nogironlar, shuningdek, qoʻshimcha toʻlov-kontrakt asosida 159 nafar talabgorlar imtiyozli ravishda talabalikka tavsiya etildi.
Yuqoridagidan kelib chiqib, magistr.edu.uz saytidagi hujjatlar qabuli bo‘yicha arizalar soni to‘g‘ri ko‘rsatilganligi ma’lum qilinadi.