Vazir Orolbo‘yi xalqaro innovatsiya markaz faoliyati bilan tanishdi
2024-08-17 15:05:00 / Vazirlik yangiliklari
Qayd etilganidek, USAID tashkiloti bilan hamkorlikdagi “Orol dengizining qurigan tubi ekotizimini tiklash” (ERAS-II) loyihasi doirasida Mo‘ynoq tumanidagi 3 ta tajriba maydonida bio-agrotexnologiyalar sinovdan o‘tkazilmoqda. Loyiha doirasida qo‘shimcha Mo‘ynoq va Nukus tumanlarida turli innovatsion va barqaror bio-agrotexnologiyalarni sinovdan o‘tkazish uchun umumiy maydoni 10 gektar bo‘lgan 3 ta tajriba maydonlarini yaratish bo‘yicha qiymati 250 ming AQSH dollarlik 10 gektar maydonda 2023–2025-yillarga mo‘ljallangan loyiha amalga oshirilmoqda.
Vazir tajriba dalalari faoliyati, loyiha dasturida belgilangan chora-tadbirlar ijrosini ko‘zdan kechirar ekan, mas’ullar ishtirokida hududdagi sho‘rlangan yerlarda ekotizimni yaxshilash hamda munosib hayot faoliyatini ta’minlashga qaratilgan rejalarni muhokama qildi.
Jumladan, Markaz huzuridagi o‘simliklar urug‘lari genbanki bilan ta’minlangan laboratoriya, biznes-akselerator o‘quv markazi va texnopark faoliyatini qo‘llab-quvvatlash bo‘yicha ilmiy loyihalar tanlovini e’lon qilish, Orol dengizining qurishi oqibatlari bilan bog‘liq muammolarning yechimiga qaratilgan ilmiy tadqiqot ishlarini amalga oshirish ko‘zda tutildi. Bunda Orolbo‘yi hududida ilmiy ishlanmalar natijalarini va innovatsion texnologiyalarni joriy etishga alohida urg‘u berilishi ta’kidlandi.