Vazir Qo‘ng‘irotboy Sharipov Nazarboyev universiteti faoliyati bilan tanishdi
2024-08-06 18:30:00 / Vazirlik yangiliklari
Dastlab, Times Higher Education reytingiga ko‘ra eng yaxshi xalqaro tadqiqot oliygohlardan biri sanalgan Nazarboyev universiteti faoliyati bilan tanishdi. Vazir universitetning ilmiy faoliyatdagi yutuqlari va tajribasi bilan qiziqdi.
Nazarboyev universiteti darslar ingliz tilida olib boriladigan xalqaro tadqiqot universiteti hisoblanadi. U Qozogʻistonda akademik mustaqillik berilgan ilk universitetdir. 2023-yildagi Times Higher Education reytingi agentligi tomonidan e’lon qilingan reytingda Nazarboyev universiteti 501-600 oralig‘ida joy olgan.
Universitetda 6,5 mingga yaqin (bakalavr – 4790, aspirantura talabalari – 1652) talaba tahsil oladi, ularning 53% STEM sohalarida, 23% gumanitar va ijtimoiy fanlar, biznes, taʼlim va davlat siyosati, 9% tibbiyot yoʻnalishlarida bilim olib kelmoqda.
So‘ng vazir Nazarboyev universiteti rahbariyati bilan ikki tomonlama hamkorlikni yoʻlga qoʻyish va mustahkamlash, kadrlar tayyorlash, tajriba almashish, qoʻshma ilmiy anjumanlar va tashriflar tashkil etish imkoniyatlarini muhokama qildi.