O‘zbekiston Respublikasi Oliy taʼlim, fan va innovatsiyalar vazirligi

Tomonlar O‘zbekistondagi professional taʼlim muassasalari o‘quvchilarini Yevropa davlatlarida ishlash uchun tayyorlash masalasini muhokama qildilar. Hozirgi kunda Yevropa mamlakatlarida, xususan, Bolgariyada kichik tibbiy xodimlarga ehtiyoj katta bo‘lib, shifoxonalarda hamshiralar, feldsherlar, vrach yordamchisi kabi kasb egalari uchun ko‘plab bo‘sh ish o‘rinlari mavjud. O‘zbekistonning aholisi yoshlardan iborat bo‘lgani, yoshlarning bilim olish va mehnat qilishga ishtiyoqlari balandligini inobatga olib, O‘zbekistondagi texnikum va kollejlardagi o‘quvchilari uchun Yevropa standartlariga mos keluvchi o‘quv kurslarini joriy etish va til o‘rgatish orqali Bolgariyada ishlashlari uchun tayyorlash har ikki mamlakat uchun manfaatli ekani qayd etildi

Shuningdek, tomonlar OTM tibbiyot va boshqa yo‘nalishdagi oliy taʼlim muassasalari talabalarining Bolgariya universitetlarida o‘qishlarini tashkil etish, O‘zbekiston talabalari uchun grantlar ajratish, O‘zbekistonda Bolgariyaning yetakchi universitetlarining filiallarini ochish masalasi muhokama qilindi. Bularni amalga oshirish uchun O‘zbekiston Respublikasi Oliy taʼlim, fan va innovatsiyalar vazirligi hamda Bolgari Oliy taʼlim vazirligi o‘rtasida memorandum imzolashga kelishildi.

Shuningdek, ilmiy-tadqiqot ishlarini hamkorlikda olib borish istiqbollari, qo‘shma ilmiy dasturlarni shaklantirishga qiziqish bildirildi. Respublikamizda tashkil etilgan innovatsion hududlarda Bolgariya innovatsion kompaniyalari bilan hamkorlikda qo‘shma korxonalarni tashkil etish, innovatsion mahsulotlarni ishlab chiqarishni yo‘lga qo‘yish bo‘yicha fikr almashildi.