Talabalar turar joylari qurish loyihasini jadallashtirish boʻyicha vazifalar belgilab olindi
2024-06-06 11:10:00 / Vazirlik yangiliklari
6-iyun kuni Oliy taʼlim, fan va innovatsiyalar vaziri oʻrinbosari Sarvarxon Buzrukxonov Yevropa tiklanish va taraqqiyot bankining Muqobil infrastruktura siyosati va loyihalar tayyorlash boʻyicha direktori Matyu Jordan hamda direktor o‘rinbosari Aleksandr Rogachevskiy bilan uchrashuv oʻtkazdi.
Muloqot davomida davlat-xususiy sheriklik shartlari asosida talabalar turar joylarini qurish loyiha hujjatlarini ishlab chiqishda amalga oshirilgan ishlar muhokama qilindi.
Vazir oʻrinbosari S. Buzrukxonov bugungi kunda talabalar turar joylariga boʻlgan ehtiyojdan kelib chiqib, ushbu loyihaning dolzarbligini alohida qayd etdi.
Tomonlar bu boradagi ishlarni jadallashtirish boʻyicha aniq vazifalarni belgilab, muntazam ravishda rahbariyat darajasida uchrashuvlar oʻtkazilishiga kelishib oldilar.