O‘zbekiston Respublikasi Oliy taʼlim, fan va innovatsiyalar vazirligi

Bundan ko‘zlangan asosiy maqsad – O‘zbekiston Fanlar аkademiyasi akademiklarini yoshlar orasida tanitish, ularning faoliyatlari, ilmiy ishlarini keng targ‘ib etish, yosh olimlar, tadqiqotchi va iqtidorli talabalarning ilm olishga bo‘lgan qiziqishlarini oshirish, ularga ilmiy motivatsiya berish, yetakchi olimlar, isteʼdodli yosh ilmiy xodimlarning faoliyati va ilmiy tadqiqotlarini qo‘llab-quvvatlashdan iborat. 

Mazkur kongress Namangan muhandislik-texnologiya instituti tashabbusi bilan O‘zbekiston Fanlar аkademiyasi, Oliy taʼlim, fan va innovatsiyalar vazirligi hamda Namangan viloyati hokimligi bilan hamkorlikda tashkil etildi. 

U qator xorijiy universitetlar, O‘zbekistonning yetakchi oliy o‘quv yurtlari rektorlari, аkademiklar, professor-o‘qituvchilar va ilmiy tadqiqot bilan shug‘ullanib kelayotgan 200 ga yaqin ilm-fan vakillari hamda talaba-yoshlarni qamrab oldi. 
Kongressni O‘zbekiston Fanlar akademiyasi vitse-prezidenti Sirojiddin Mirzayev ochib berdi. Shundan so‘ng, Oliy ta’lim, fan va innovatsiyalar vaziri Qo‘ng‘irotboy Sharipov kongress ishtirokchilariga onlayn tarzda tabrik yo‘lladi. 

Akdemiklar va yoshlar uchrashuvi doirasida Namangan viloyatida joylashgan yirik ishlab chiqaruvchi korxonalar va iqtisodiyotning tegishli tarmoqlaridagi mavjud muammolar yechimiga bag‘ishlangan muhokamalar o‘tkazildi. “Ishlab chiqarish-Fanlar akademiyasi-oliy taʼlim” zanjiri yaratilib, ilm-fan va ishlab chiqarish integratsiyasi yanada mustahkamlanishi ta’kidlandi.

Kongress yakunlari bo‘yicha yetakchi oliy taʼlim muasasalari, Fanlar аkademiyasi, ilmiy tekshirish institutlari o‘rtasida o‘zaro hamkorlik shartnomlari imzolandi. Mazkur shartnomalarga ko‘ra, ilmiy-innovatsion yo‘nalishlarda faol hamkorlik ishlarini olib borish, tadqiqodlarni birgalikda o‘rganish, stajirovkalar tashkil etish, fundamental va amaliy grant loyihalari bo‘yicha xalqaro tanlovlarda ishtirok etish, ilmiy-amaliy anjumanlar tashkil qilish, dunyoning eng nufuzli ilmiy institutlari bilan do‘stona aloqalarni yanada kengaytirish hamda fizika fanini o‘qitish bo‘yicha Namangan tajribasini ommalashtirishga kelishib olindi.