Janubiy Koreyada INNO texnoparkning yangi ofisi ochildi
2024-05-10 09:30:00 / Vazirlik yangiliklari
Koreya Respublikasining "Gyeong-Buk Techno Park" binosida O‘zbekiston Respublikasi Oliy ta’lim, fan va innovatsiyalar vazirligi huzuridagi INNO innovatsion o‘quv ishlab chiqarish texnoparkining Koreyadagi yangi ofisi rasmiy ochilish marosimi bo‘lib o‘tdi.

"Gyeongbuk TechnoPark" ijro etuvchi direktori Ha In Su va INNO innovatsion o‘quv-ishlab chiqarish texnoparki bosh direktori Mansur Sultonov Koreya Respublikasi va O‘zbekiston texnoparklari o‘rtasida ikki tomonlama hamkorlikni kengaytirishga qaratilgan memorandum imzoladilar.






