Rossiya Federatsiyasi Prezidentining Xorijiy mamlakatlar bilan mintaqalararo va madaniy aloqalar boshqarmasi boshlig‘i Igor Maslov boshchiligidagi delegatsiya qabul qilindi
2024-05-03 18:25:00 / Vazirlik yangiliklari
3-may kuni Oliy ta’lim, fan va innovatsiyalar vazirligida Rossiya Federatsiyasi Prezidentining Xorijiy mamlakatlar bilan mintaqalararo va madaniy aloqalar boshqarmasi boshlig‘i Igor Maslov boshchiligidagi delegatsiya bilan uchrashuv tashkil etildi.
Unda mezbon tomondan O‘zbekiston Respublikasi Prezidenti Administratsiyasi Ijtimoiy rivojlanish departamenti rahbari Odil Abdurahmonov, Oliy ta’lim, fan va innovatsiyalar vaziri Qo‘ng‘irotboy Sharipov rahbarligidagi mas’ullar ishtirok etdi.
Tomonlar hamkorlik kun tartibidagi qator masalalarni muhokama qilishdi. Jumladan, O‘zbekistondagi Rossiya oliy ta’lim muassasalarining filiallari faoliyatini takomillashtirish, qo‘shma ilmiy loyihalar tanlovini o‘tkazish uchun yangi bitim loyihasini ishlab chiqish, shuningdek, O‘zbekiston va Rossiya rektorlarining to‘rtinchi forumini tashkil qilish hamda tadbirni mazmunan boyitish bo‘yicha chora-tadbirlar yuzasidan fikr almashildi.