Fuqarolarning ta’lim va innovatsiyalarga oid murojaatlari tinglandi
2025-11-07 22:00:00 / Vazirlik yangiliklari
7-noyabr kuni fuqarolarning oliy va kasbiy ta’lim, fan hamda innovatsiyalar sohalariga oid masalalariga yechim berish maqsadida vazir Qo‘ng‘irotboy Sharipov navbatdagi qabulni o‘tkazdi.
Unda kasbiy ta’lim muassasalarida o‘quv jarayoni, magistraturaga o‘qishga kirish, ishga joylashish va diplom olish masalalariga doir murojaatlar tinglandi.
Vazir tomonidan fuqarolarning har bir murojaatiga tegishli boshqarma rahbarlari hamda mas’ullar ishtirokida huquqiy tushuntirish va maslahatlar berildi.
Qabul yakuniga ko‘ra, fuqarolarning muammolari yechimi bo‘yicha tegishli mutasaddilarga topshiriqlar berildi.