O'zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi

Xususan, faoliyat yuritayotgan mavjud korxonalarda barcha texnik qurilmalar qat’iy ravishda loyiha hujjatlariga to‘g‘ri kelishi masalasi muhokama qilindi. Aksariyat korxonalarda loyihadan tashqari texnik qurilmalar o‘rnatilgani ta’kidlandi. Propan va benzin shahobchalarida loyihadan tashqari qo‘shimcha sig‘imlar o‘rnatilishi qat’iyan taqiqlanishi qayd etildi.

Shuningdek, korxona rahbar xodimlari Vazirlar Mahkamasining 2025-yil 21-yanvardagi “Xavfli ishlab chiqarish obyektlaridan foydalanuvchi tashkilotlarning rahbar va muhandis-texnik xodimlarini attestatsiyadan o‘tkazish tartibini takomillashtirish to‘g‘risida”gi qaroriga asosan 5 yilda bir marotaba sanoat xavfsizligi bo‘yicha maxsus ta’lim muassasasi — “Kontekhnazorato‘quv” DМda malakasini oshirib, tegishli sertifikatlar olishi lozimligi, muhandis-texnik xodimlar 3 yilda bir marta, ishchi xodimlar esa har yili bilimlarini sinovdan o‘tkazish zarurligi alohida ta’kidlandi.

Bundan tashqari, Vazirlar Mahkamasining 2018-yil 2-oktabrdagi “Sanoat xavfsizligini ekspertizadan o‘tkazish va ekspertiza xulosasini berish tartibi to‘g‘risida”gi 784-sonli qaror talablariga binoan, ishlab chiqarilganiga 20 yildan ortiq bo‘lgan barcha texnik qurilmalar sanoat xavfsizligi ekspertizasidan o‘tkazilishi va ekspertiza xulosasi olinishi shartligi batafsil tushuntirildi.

Ayni paytda, Sanoat, radiatsiya va yadro xavfsizligi qo‘mitasida ekotizim.cirns.uz sayti orqali barcha xavfli ishlab chiqarish obyektlari Vazirlar Mahkamasining 2020-yil 19-maydagi 291-sonli qarori bilan tasdiqlangan “Xavfli ishlab chiqarish obyektlarini hisobga olish va davlat reyestrini yuritish tartibi to‘g‘risida”gi nizomga muvofiq davlat reyestri yuritilayotgani qayd etildi. Bu tizim korxona va tashkilotlardagi mavjud texnik qurilmalar holatini onlayn kuzatish, ularning texnik holati, sinov muddati va reyestr ma’lumotlarini yangilab borish imkonini beradi. Shu orqali texnik qurilmalarni o‘z vaqtida sinovdan o‘tkazish va nazorat qilish orqali avariya va baxtsiz hodisalarni oldini olishga xizmat qiluvchi yangi, qulay, shaffof va ishonchli platforma ishga tushirilganligi ishtirokchilarga ma’lum qilindi.

Tadbir ishtirokchilari o‘z korxonalari hamda xavfli ishlab chiqarish obyektlarida sanoat xavfsizligini ta’minlash, xususan, bosim ostida ishlovchi idishlardan xavfsiz foydalanish qoidalari yuzasidan o‘zlarini qiziqtirgan savollariga javob oldilar. Bunday seminarlarni muntazam o‘tkazib turish hamda tadbirda muhokama qilingan masalalarga qat’iy rioya qilish bo‘yicha kelishuvga erishildi.