O'zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi

Mazkur kun doirasida sohaga mas’ul rahbarlar mahallalar, maktablar va texnikumlarga tashrif buyurib, yoshlar bilan bevosita muloqot qiladi, ularning muammo va takliflarini o‘rganadi hamda mavjud masalalarni joyida hal etish choralarini ko‘radi.

Shuningdek, hududlarda yoshlar bandligini ta’minlash, ularning salohiyatini ro‘yobga chiqarish va tashabbuslarini qo‘llab-quvvatlashga qaratilgan amaliy ishlar amalga oshiriladi. Jumladan, hokimliklar tomonidan yoshlar uchun savdo va xizmat ko‘rsatish sohasiga oid loyihalar ishlab chiqiladi, ularning ta’lim olishi, sport bilan shug‘ullanishi, kasb-hunar va xorijiy tillarni o‘rganishi, ishga joylashishi yoki tadbirkorlik faoliyatini boshlashi uchun zarur ko‘mak beriladi.

Bundan tashqari, startap loyihalari mualliflari bilan uchrashuvlar o‘tkazish, istiqbolli tashabbuslarni qo‘llab-quvvatlash maqsadida grantlar va moliyaviy mablag‘lar ajratish ko‘zda tutilgan.

Shu bilan birga, eng faol tomorqachi, fermer, sanoatchi, startapchi, ijodkor hamda ma’naviy-ma’rifiy sohalarda faoliyat yuritayotgan yoshlar uchun turli tanlovlar, ko‘rgazmalar va yarmarkalar tashkil etilishi rejalashtirilgan.

Mazkur tashabbuslar yoshlarning ijtimoiy faolligini oshirish, ularni qo‘llab-quvvatlash hamda jamiyat hayotidagi ishtirokini kengaytirishga xizmat qiladi.