Eronning Qom shahri Savdo-sanoat palatasi birinchi vitse-prezidenti Abolfazl Rajabian boshchiligidagi delegatsiya bilan uchrashuv o‘tkazidi.
2026-10-26 17:10:00 / Yangiliklar
Joriy yilning 26-oktyabr kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori Nozimjon Xolmurodov Eronning Qom shahri Savdo-sanoat palatasi birinchi vitse-prezidenti Abolfazl Rajabian boshchiligidagi delegatsiya bilan uchrashuv o‘tkazdi.
Delegatsiya tarkibidan Qom qo‘lda to‘qilgan gilam eksportchilari uyushmasi prezidenti Javad Kazemi, shuningdek, Qom Savdo-sanoat palatasi a’zolari va uyushma boshqaruv kengashi a’zolari Vahid Keramatian hamda Ali Ashari Fard o‘rin oldi.
Uchrashuv davomida O‘zbekiston va Eron o‘rtasida yengil sanoat, xususan, ipakchilik sohasidagi savdo-iqtisodiy hamkorlikni rivojlantirish masalalari muhokama qilindi.
Eron delegatsiyasi vakillari O‘zbekistonning ipak ishlab chiqarish salohiyati, mahalliy ipak mahsulotlarining sifati hamda ularni Eron bozoriga yetkazib berish imkoniyatlariga qiziqish bildirdi. Xususan, Qom shahrida qo‘lda to‘qiladigan ipak gilamlar ishlab chiqarish uchun yuqori sifatli xomashyo yetkazib berish istiqbollariga alohida e’tibor qaratildi.
Muloqot chog‘ida ikki mamlakat tadbirkorlari o‘rtasidagi to‘g‘ridan-to‘g‘ri aloqalarni mustahkamlash, o‘zaro manfaatli savdo munosabatlarini kengaytirish hamda istiqbolli hamkorlik loyihalarini amalga oshirish imkoniyatlari yuzasidan fikr almashildi.
Uchrashuv O‘zbekiston ipak mahsulotlarining eksport salohiyatini oshirish va ikki mamlakat o‘rtasidagi savdo-iqtisodiy hamkorlikni yanada rivojlantirishga xizmat qiladi.