Serbiya Respublikasining Rashka shahrida joylashgan “Luss Textile” korxonasiga tashrif
2026-05-25 21:30:00 / Yangiliklar
O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori Nozimjon Xolmurodov boshchiligidagi delegatsiya Serbiya Respublikasining Rashka shahrida joylashgan “Luss Textile” korxonasiga tashrif buyurdi.
Tashrif davomida delegatsiya a’zolari korxonaning ishlab chiqarish jarayonlari, mahsulot turlari, texnologik imkoniyatlari hamda to‘qimachilik va tayyor mahsulotlar ishlab chiqarish sohasidagi amaliy tajribasi bilan yaqindan tanishdi.
Uchrashuvda O‘zbekiston xomashyosi, matolari va to‘qimachilik mahsulotlarini yetkazib berish, ishlab chiqarish kooperatsiyasini yo‘lga qo‘yish hamda Serbiya orqali Yevropa bozorlariga chiqish imkoniyatlari yuzasidan fikr almashildi.
Mazkur tashrif O‘zbekiston va Serbiya yengil sanoat korxonalari o‘rtasida amaliy hamkorlik aloqalarini rivojlantirish, yangi eksport imkoniyatlarini shakllantirish hamda istiqbolli qo‘shma loyihalar uchun mustahkam asos yaratishga xizmat qiladi.