“Qizlar ibosi — millat libosi” tanlovining final bosqichi gʻoliblari aniqlandi
2024-12-30 18:00:00 / Vazirlik yangiliklari
Oliy taʼlim, fan va innovatsiyalar vazirligi hamda “Oʻzbekligim-oʻzligim” nodavlat notijorat tashkiloti tomonidan tashkil etilgan talaba-qizlar oʻrtasidagi “Qizlar ibosi — millat libosi” tanlovining final bosqichi Yangi yil arafasida oʻtkazildi.
Tanlovning birinchi bosqichida zamonaviy yoshlarga xos milliy obrazda ijtimoiy tarmoqlarda eng yaxshi videoroliklar tayyorlagan ishtirokchilar saralandi. Finalda ular nutq madaniyati, milliy liboslar boʻyicha viktorina, milliy taomlar tayyorlash hamda erkin mavzuda oʻz mahoratlarini namoyon etdilar.
Gʻoliblar:
1-oʻrin: Iroda Hamidova, Guliston davlat universitetining 2-bosqich talabasi;
2-oʻrin: Aydana Maylibayeva, Berdaq nomidagi Qoraqalpoq davlat universiteti, 3-bosqich talabasi;
3-oʻrin: Maftunabonu Xaydarova, Buxoro muhandislik-texnologiya instituti.