Afg‘on ayollarini O‘zbekistonning tibbiyot oliygohlarida o‘qitish bo‘yicha memorandum imzolandi
2024-09-09 14:05:00 / Vazirlik yangiliklari
O‘quv dasturlari O‘zbekistondagi tajribali tibbiyot mutaxassislari tomonidan olib borilib, ayollarning kasbiy ko‘nikmalarini oshirishga xizmat qilish bilan birga ularning o‘z vatanidagi tibbiyot sohasiga qo‘shayotgan hissasini kuchaytirishga ham katta ta’sir ko‘rsatadi.
Mazkur memorandumning imzolanishi ikki davlat o‘rtasidagi hamkorlikni yangi bosqichga olib chiqib, xalqaro ta’lim va tibbiyot sohasidagi munosabatlarni yanada mustahkamlaydi. Bu tashabbus O‘zbekistonning Afg‘onistonda tinchlik va barqarorlikni ta’minlashdagi muhim o‘rnini yana bir bor namoyon etadi. Bundan tashqari, O‘zbekiston hukumati o‘zining do‘stona siyosati bilan qo‘shni mamlakatlarga ko‘mak berish orqali mintaqada ta’lim tizimini rivojlantirishga va iqtidorli mutaxassislar tayyorlashga katta e’tibor qaratmoqda.
Mazkur kelishuv nafaqat O‘zbekiston va Qatar o‘rtasidagi munosabatlarni mustahkamlaydi, balki Afg‘onistondagi ayollar huquqlarini himoya qilish, ularning ta’lim olish imkoniyatlarini kengaytirish va kelajakda o‘ziga ishonadigan tibbiyot mutaxassislari yetishib chiqishiga zamin yaratadi.