O‘rta maxsus ta’limning davlat ta’lim standarti (DTS), malaka talablari, tayanch va namunaviy o‘quv rejalarini ishlab chiqish bo‘yicha ishchi guruhining yig‘ilishi
2024-07-23 12:05:00 / Vazirlik yangiliklari
Unda vazirlik Ta’lim muassasalari faoliyatini tahlil qilish boshqarmasi boshlig‘i, Ishchi guruh raisi Shuhrat Yakubov rahbarligida oliy ta’lim muassasalari va akademik litsey mas’ullaridan iborat ishchi guruh a’zolari qatnashdi.
Yig‘ilish davomida yoshlarni fizika, kimyo, biologiya, texnologiya, muhandislik, matematika (STEAM) bilan bog‘liq kasblarga qiziqishini yanada oshirish, o‘quv dasturlarining yaratilishida, tajriba tariqasida, dunyo bo‘yicha tan olingan “Xalqaro bakalavriat” va “A level” dasturlarini tatbiq etishdagi mavjud muammolar va ularning yechimlari batafsil muhokama qilindi.
Shuningdek, “International Advanced Levels” xalqaro dasturini akademik litseylarga joriy etish bo‘yicha bajariladigan ishlar, ta’lim jarayoniga jalb etiladigan o‘quvchi va o‘qituvchilar bo‘yicha takliflar ko‘rib chiqildi.
Yig‘ilish yakunida ishchi guruh a’zolari xalqaro “SAT” va “A level” dasturlari bo‘yicha o‘qituvchilar uchun o‘qishlarni tashkil etishga kelishib oldilar.