HEMIS axborot tizimidan foydalanish boʻyicha reglament ishlab chiqilmoqda
2024-04-30 14:05:00 / Vazirlik yangiliklari
Ayni kunlarda Oliy taʼlim, fan va innovatsiyalar vazirligi tomonidan “Oliy taʼlim jarayonlarini boshqarish — HEMIS” axborot tizimidan foydalanish boʻyicha reglament ishlab chiqilmoqda. Ushbu reglamentning maqsadi HEMIS axborot tizimini oliy taʼlim tashkilotlarida samarali joriy etish, undan foydalanish va maʼlumotlarni kiritish hamda shakllantirish jarayonlarini tartibga solish boʻlib, u quyidagi asosiy vazifalarni belgilaydi:
• axborot tizimining asosiy funksiyalarini va foydalanish tartibini belgilash;
• axborot tizimiga kiruvchi maʼlumotlarni kiritish, yangilash va ularni boshqarish boʻyicha aniq qoidalar oʻrnatish;
• axborot tizimi foydalanuvchilarining huquq va majburiyatlarini aniqlash;
• axborot tizimidan samarali va xavfsiz foydalanishni taʼminlash.
Reglament tasdiqlanganidan soʻng, vazirlik Axborot xizmati tomonidan u keng jamoatchilikka eʼlon qilinadi hamda tegishli tushuntirish va targʻibot ishlari olib boriladi.