“Toshkent kimyo-texnologiya instituti Shahrisabz filialida “Oziq-ovqat mahsulotlari xavfsizligi va innovatsion texnologiyalar” mavzusida respublika ilmiy-amaliy anjumani bo‘lib o‘tdi
2024-04-20 18:35:00 / Vazirlik yangiliklari
Ilm fan haftaligi doirasida tashkil qilingan ushbu anjumanda 14 ta hududdan 100 nafarga yaqin professor-o‘qituvchi va iqtidorli talabalar o‘z ma’ruzalari bilan ishtirok etishdi.
Dastlab mehmonlar filialda faoliyat yuritayotgan “PT-PROCESSING TECHNOLOGY” o‘quv- ilmiy va ishlab chiqarish laboratoriyalari hamda innovatsion ishlanmalar va zamonaviy ilg‘or texnologiyalar katta ko‘rgazmasi bilan yaqindan tanishishdi.
Yalpi hamda ikkita alohida sho‘baga bo‘lingan holda olib borilgan anjuman doirasida “Oziq-ovqat mahsulotlari ishlab chiqarishda innovatsion texnologiyalar va ularni xavfsizligini ta’minlash” va “Ishlab chiqarish va muhandislikda zamonaviy innovatsion texnologiyalar” mavzularida olimlar hamda yosh tadqiqotchilarning ma’ruzalari tinglanib, fikr-mulohazalar almashildi.